IQBAL KA KHWAB اقبال کا خواب


اقبال کا خواب
کلام: ڈاکٹرضیاءاللہ ضیاءؔ
drziaullahzia@gmail.com
....................................................................
اے اہلِ نظر کچھ تو کہو حرص کے بندے
کیا خواب کو اقبال کے تعبیر کریں گے
وہ ابلہ  مسجد ہوں کہ تہذیب کے فرزند
تکفیر کریں گے کبھی تحقیر کریں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈوبے گا نہ سرمایہ پرستی کا سفینہ
جب تک یہاں موجود ہیں بینکوں کی عمارات
اس نظمِ زروسیم کا پنجہ ہوس ہے
بیچارے غریبوں کے لۓ مرگِ مفاجات
.........................
صدیوں سےہے فرقوں میں یہ ملت مری تقسیم
اور اس پہ چڑھی گرد توہم کے فسوں کی
اقبال کا ہے خواب ابھی تشنہ تعبیر
کیا صوفی و ملا کو خبر اس کے جنوں کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
برباد کئے دیتے ہیں ہر خانہ دل کو
عریانی و بدکاری و بے دینی و الحاد
قران سے ہیں دور تو سنت سے گریزاں
تہذیب کے فرزند ہیں مادرپدر آزاد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ناپید مدارس میں ہوا نشترِ تحقیق
رستے ہیں روایات و خرافات کے ناسور
ہر جراتِ اظہار پہ ہیں کفر کے فتوے
اس ملک میں رائج ہے زباں بندی کا دستور
۔۔۔۔۔۔۔۔۔۔۔۔۔۔۔۔
صد حیف امیروں کے محلات کھڑے ہیں
جو پی کے لہو دیتے ہیں تعلیمِ مساوات
دہقاں کو میسر ہی  نہیں کھیت سے روزی
ہیں تلخ ابھی بندہ مزدور کے اوقات
۔۔۔۔۔۔۔۔۔۔۔۔۔۔۔۔۔۔۔۔۔۔
جمہور کے ابلیس یہ اربابِ  سیاست
جلسوں میں پڑھا کرتے ہیں اقبال کے اشعار
اقبال نے دیکھا تھا جو اک خوابِ جنوں خیز
یہ لوگ تو ہیں اس کے تصور  ہی  سے  بیزار
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو لوگ ہیں اقبال کے حلقہ سخن میں
اب مصلحتِ وقت کو خاطر میں نہ لائیں
جہلائے زمانہ کی نہ پرواہ کریں ہم
کیا خواب تھا اقبال کا لوگوں کو بتائیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اقبال کا یہ خواب ہلا دیتا ہے یکسر
مذہب کی،  معیشت کی، سیاست  کی جڑوں کو
اقبال بدل ڈالے سماج ان کا مبادا 
لاحق یہی تکلیف تو ہوتی ہے بڑوں کو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مدت سے ہے آوارہ افلاک یہی خواب
ہو جاۓ نہ اب چاند کے غاروں میں نظربند
اک برگِ گیاہ تک نہ ملا اہلِ خرد کو
اور کھا گئے یہ کشتِ گل ولالہ گدھے چند
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس ملک میں اقبال شناسوں کی کمی ہے
لوگوں سے  تو اقبال کو سمجھا نہیں جاتا
مشترکہ ہے یہ دیدہ ورو درد ہمارا
یہ خواب بکھرتے ہوئے دیکھا نہیں جاتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شرمندہ تعبیر ہو اقبال کا ہر خواب
اب ہم نے ضیاء  جی میں یہی  ٹھان لیا ہے
  ہر دشمنِ اقبال پہ رکھیں گے نظر ہم
ہر اک کی کمیں گاہ کو پہچان لیا ہے

Comments

Post a Comment

Popular posts from this blog

عمران خان اور قائداعظم۔۔۔۔ چہ نسبت خاک را بہ عالمِ پاک تحریر : ڈاکٹر ضیاءاللہ ضیاء

Image
عمران خان اور قائداعظم۔۔۔۔ چہ نسبت خاک را بہ عالمِ پاک  تحریر : ڈاکٹر ضیاءاللہ ضیاء عمران خان کے ملک و قوم و ملت کے لئے انتہائی لائقِ تحسین و صد آفریں اعلیٰ و ارفع  خیالات و افکار و جزبات و احساسات سے قطع نظر۔۔۔باعثِ تحریر آنکہ یہ صرف اس تصویر پر تبصرہ ہے جو میری نظر سے گزری۔۔۔۔ جن لوگوں نے قائداعظم کی سیرت و کردار کا مطالعہ نہیں کیا وہ کیا جانیں کہ حضرت قائداعظم کون تھے اور کیا تھے۔ جن لوگوں کے بزرگوں نے قائداعظم کو قریب سے نہیں دیکھا، انہیں کیا معلوم کہ قائداعظم کی شخصیت کیا تھی۔ موازنہ کرنا ہو تو قائداعظم کو جن لوگوں نے برسوں بہت قریب سے دیکھا پرکھا ان کی قائداعظم پر سوانح عمری پڑھ لیجیئے مثلا علامہ پرویز صاحب کی "حُسنِ کردار کا نقشِ تابندہ"  اور جن لوگوں نے عمران خان کو انتہائی قریب سے دیکھا ان کی کتاب پڑھ لیجیئے تو آپ کو معلوم ہو جائے گا کہ کوئی شخص اصل میں کیا ہے اور نظر کیا آتا ہے۔ مجھے نہ صرف یہ سعادت حاصل ہے کہ میری ماں نے قائداعظم کی زیارت کی اور میرے باپ نے قائداعظم سے ہاتھ ملایا اور میرے والد قائداعظم کے شانہ بشانہ تحریکِ پاکستان میں شامل رہے بلکہ ...
Read more

مذہبی آزادی اور حریتِ فکر از ڈاکٹر ضیاءاللہ

Image
مذہبی آزادی اور حریتِ فکر تحریر: ڈاکٹر ضیاءاللہ ضیاء۔گوجرہ بے شک محمد صلی اللہ علیہ وسلم کے بعد نہ کوئی نبی ہے اور نہ کوئی رسول اور نہ کسی اور انے والے نے آنا ہے۔ نہ مہدی ، نہ عیسی علیہ السلام اور نہ دجال ۔۔۔۔ یہ سب وضعی روایات اور دقیانوسی خرافات کے تحت تراشے گئے بتانِ عجم کے پجاری ہیں اور وہ چور دروازے ہیں جن کے راستے مرزا ملعون قادیانی جیسا ہر چور داخل ہو کر خود کو مہدی یا مسیحِ موعود بتانا شروع کر دیتا ہے۔ ہمارے لئے تو نبئ اکرم صلی اللہ علیہ وسلم ہی حرفِ آخر ہیں جن کے بعد کسی کی گنجائش قطعی طور پر نہیں ہے۔ صدشکر ربانی کہ مبدائے فیض کی کرم گستری سے مجھے صاحبِ علم و فضل، وسیع النظر بلکہ وسیع المشرب والدین کا سایہ نصیب ہوا جن نے علم و تحقیق کو میرا مذہب و مسلک ٹھہرایا، میرے اندر کتاب اللہ سے لگاؤ پیدا کیا اور نبئ اکرم صلی اللہ علیہ وسلم کی ایسی محبت دل میں جاگزیں کی کہ ان کے بعد کوئی اور کبھی نہیں بھایا کہ نگاہِ عشق و مستی میں وہی اول وہی آخر وہی قرآں، وہی فرقاں ، وہی یاسیں وہی طہٰ اسی مسلکِ تحقیق نے مجھے بارہا اپنے بچپن سے پچپن اور اب پچپن سے اٹھاون تک بارہا اپنے خیال...
Read more

امیروں کی جنت تحریر: ڈاکٹر ضیاءاللہ ضیاءؔ ـ گوجرہ

Image
امیروں کی جنت تحریر: ڈاکٹر ضیاءاللہ ضیاءؔ ـ گوجرہ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جنت صرف اچھے کاموں پر نہیں بلکہ سختیوں، تکالیف اور جھٹکوں سے گزر کر ملے گی اَمۡ حَسِبۡتُمۡ اَنۡ تَدۡخُلُوا الۡجَـنَّةَ وَ لَمَّا يَاۡتِكُمۡ مَّثَلُ الَّذِيۡنَ خَلَوۡا مِنۡ قَبۡلِكُمۡؕ مَسَّتۡهُمُ الۡبَاۡسَآءُ وَالضَّرَّآءُ وَزُلۡزِلُوۡا (2:214) تم کیا سمجھ بیٹھے ہو کہ محض یونہی جنت میں جا داخل ہو گے جبکہ ابھی تو تم پر وہ آفتیں نہیں آئیں جیسا کہ تم سے پہلے گزرے ہوئے لوگوں پر ٹوٹیں۔ انہیں سختیوں، تکلیفوں نے گھیرا اور وہ جھٹکوں سے  ہلا ئے گئے۔ انہی پتھروں پہ چل کر اگر آسکو تو آؤ میرے گھر کے راستے میں کوئی کہکشاں نہیں ہے جبکہ جہنم میں جانے کے لئے آرام و آسائش ہی کافی ہے کسی برائی کا سرزد ہونا تو بہت دور کی بات ہے اِنَّهُمۡ كَانُوۡا قَبۡلَ ذٰ لِكَ مُتۡرَفِيۡنَۚ وَكَانُوۡا يُصِرُّوۡنَ عَلَى الۡحِنۡثِ الۡعَظِيۡمِ‌ۚ (46-56:45) دوزخ کی آگ  میں آنے سے پہلے یہ بڑے آرام و آسائش والے خوشحال لوگ تھے اور اسی حنثِ عظیم (بڑے قصور یعنی آرام طلبی) میں مبتلا تھے۔ یہی آرا...
Read more